هيدا آخر الحب

من طرف dala3 الخميس يونيو 28, 2007 9:25 am

كلنا يعلم ما هو الماسنجر وكيفية إستخدامه وانا اليوم اكتب قصيدة فيها قصة صديق عزيز يتعرض للفراق من قبل خليلة له بسبب حديث البشر عنهم وما دار في حقيقة وقتهم من تبادل للاحاديث وعذرا لاني اوجزت ولم اذكر اغلب القصيد

الفتى :.

هلا بوردة الكون وبجمالها تتمتعين

هلا بفصول الروح وعالمي والوانه

خطوة عزيزة غالية لو تعلمين

رويتي أوراق الفرح من الصبر ذبلانه

أبي أسأل عنكم عساكم اليوم متعافيين

لا أبقى الله مرض يخليك تعبانه

وأبيك على لهفتي أرجوك تعذرين

من شفت أسمك طار عقلي من مكانه

الفتاه:.

هلا بيكم وعلى التحية مشكورين

وإحنا بخير بحفظ الله وأمانه

ونسأل عن حالكم متلهفين

نبي نعرف عن الغالي ويش صار بزمانه

الفتى مقاطعا:.

كفاك , عن حالنا أبد لا تسألين

دامك بخير ومن المرض شفيانه

أحنا بألف صحة علينا لا تخافين

ما دامك للزهر عطره وتيجانه

الفتاه:.

أبي أطلبك خدمه بس إهدى واستكين

ورجح عقلك الموزون ولا تخل ميزانه

ولا أبيك تزعل مني يا نظر هالعين

ولا أبي أكون بنظرتك أنا غلطانه

الفتى:.

حاظرِ طلبك ولو الموت مني تطلبين

هاك قلبي بين إيديك وبكل أشجانه

أنتي مو تطلبين أنتي علي بس تامرين

حاظر ولو بغيتي شمع أبليس وشمعدانه

الفتاه :.

أبيك للأخير تسمعني لا تنكر ولا تستهين

ولا تقاطع كلامي وتغضب وتكسر عنانه

أولها ابيك تمسح ذكراي من حاظرك اللحين

وثانيها أبيك تنسى ملاك كلمك بلسانه

كافي ما أقدر اتحمل أكثر سنين

وعييت أكون لشوفتك دوم حلمانه

وهذا كلام الناس سيف جرحه دفين

يصيب وما يخيب وانا اختك فلانه

وترى شرف البنت ولو تدري ثمين

ما تبي يقولون على شرف أهلها خوانه

واعذرني ما اقدر اكلمك أكثر ولو تبين

مثل الشمس ولو لشوفتك أصير ضميانه

ومشكور لو تفهمت على أمري بلا تكمين

وقول لو في خاطرك كلمة عتب ولهانه

الفتى في دهشة ألم :.

لك ما طلبتي . بس لحظة لو تسمحين

خليني ألملم كوني هديتي كيانه

ما تحمل صدمة فراقك لو تدركين

تهدم كل عالمي و زواياه وأركانه

لك ما طلبتي , بس أرحلي ولا تعودين

ما تحمل تعيدين لحظة فراقك وقلبي هجرانه

وأرجوك على فهمك أبد لا تشكرين

لو ما فهمتك أنا منهو يفهم على تاج خلانه

أرحلي ولكن أبيك دوم عني تتذكرين

أني على عهدك باقي ووافي وأني خير من صانه

الفتى يخاطب نفسه :.

يا عين من دمعك أكثر لا تذرفين

كافي من كثر البكى صرتي عميانه

وياروح أتيبست أيدي لا تلومين

أقول معذوره أطلعت فينا الفهمانه

لو كنتي ببحر الشوق مرسى وسفين

تراها موج عالي بصدف ودعت شطأنه

ورمله الناعم يملك من اللهفه حنين

وهي فيه عروسه وهي فيه دانه

ويش أضيف أكثر علي لا تعتبين

ولومي زمان فرق بين أخو وأخوانه

راح العزيز الغالي ولشوفته لا ترتجين

رمح الوقت سبقنا وكلام الناس إسنانه

tongue